Bugun, 27 mart juma kuni Myunxenning «Bavariya» klubi darvozaboni Manuel Noyer o‘z tavallud ayyomini nishonlamoqda. Mahoratli posbon 40 yoshga to‘ldi.
Germaniya grandi matbuot xizmati yulduzli futbolchini yubiley bilan muborakbod etdi.
«GOAT. U 40 yoshga to‘ldi. Manu, seni tabriklaymiz», — deyiladi Myunxen klubi tomonidan e’lon qilingan xabarda.
Noyer 2011 yilning yozidan buyon «Bavariya» sharafini himoya qilib kelmoqda. Tomonlar o‘rtasidagi amaldagi shartnoma muddati 2026 yilning iyun oyi oxirida yakuniga yetadi.
Bundesliganing joriy mavsumida Manuel 19 ta uchrashuvda maydonga tushdi. Tajribali darvozabon o‘z darvozasidan 17 ta to‘p olib chiqdi va 6 ta o‘yinda darvozasi daxlsizligini saqlab qoldi.
