Fransiya terma jamoasi hujumchisi Ugo Ekitike o‘zining jamoadoshi va vatandoshi Kilian Mbappe haqida iliq fikrlar bildirdi.
«Mbappe bilan maydonda bir-birimizni juda yaxshi tushunamiz. U menga erkin o‘ynashimni aytdi va men bundan zavq oldim. Biz «PSJ»da ham birga ko‘p vaqt o‘tkazganmiz!» — deya Ekitikening so‘zlarini keltiradi mashhur jurnalist Fabrisio Romano.
Eslatib o‘tamiz, 26 mart kuni Fransiya terma jamoasi o‘rtoqlik uchrashuvida Braziliya ustidan 2:1 hisobida g‘alaba qozondi. Fransuzlar tarkibida gollarga aynan Mbappe va Ekitike mualliflik qilishdi.
Didye Desham shogirdlari navbatdagi uchrashuvni yakshanba kuni, 29 martda Kolumbiya terma jamoasiga qarshi o‘tkazishadi.
