Франция терма жамоаси ҳужумчиси Уго Экитике ўзининг жамоадоши ва ватандоши Килиан Мбаппе ҳақида илиқ фикрлар билдирди.
«Мбаппе билан майдонда бир-биримизни жуда яхши тушунамиз. У менга эркин ўйнашимни айтди ва мен бундан завқ олдим. Биз «ПСЖ»да ҳам бирга кўп вақт ўтказганмиз!» — дея Экитикенинг сўзларини келтиради машҳур журналист Фабрицио Романо.
Эслатиб ўтамиз, 26 март куни Франция терма жамоаси ўртоқлик учрашувида Бразилия устидан 2:1 ҳисобида ғалаба қозонди. Французлар таркибида голларга айнан Мбаппе ва Экитике муаллифлик қилишди.
Дидье Дешам шогирдлари навбатдаги учрашувни якшанба куни, 29 мартда Колумбия терма жамоасига қарши ўтказишади.
