Madridning «Real» klubi markaziy himoyachisi Raul Asensio jamoada murakkab davrni boshdan kechirmoqda.

Jurnalist Pablo Galyegoning xabar berishicha, Asensioning tarkibda ko‘rinmayotgani sog‘lig‘idagi muammolar bilan bog‘liq emas. Manbaning ta’kidlashicha, bunga futbolchining turmush tarzi klub talablariga javob bermayotgani sabab bo‘lgan.

Joriy mavsumda 23 yoshli ispaniyalik himoyachi barcha musobaqalarda jami 30 ta o‘yinda ishtirok etdi. Ushbu bahslarda u 2 ta gol urishga va 1 ta golli uzatmani amalga oshirishga muvaffaq bo‘ldi.

Eslatib o‘tamiz, «Real Madrid» navbatdagi uchrashuvini 4 aprel kuni safarda «Malyorka»ga qarshi o‘tkazadi. Ispaniya chempionatining 30-turidan o‘rin olgan ushbu bahs Toshkent vaqti bilan soat 19:15 da boshlanishi rejalashtirilgan.