Мадриднинг «Реал» клуби марказий ҳимоячиси Рауль Асенсио жамоада мураккаб даврни бошдан кечирмоқда.

Журналист Пабло Гальегонинг хабар беришича, Асенсионинг таркибда кўринмаётгани соғлиғидаги муаммолар билан боғлиқ эмас. Манбанинг таъкидлашича, бунга футболчининг турмуш тарзи клуб талабларига жавоб бермаётгани сабаб бўлган.

Жорий мавсумда 23 ёшли испаниялик ҳимоячи барча мусобақаларда жами 30 та ўйинда иштирок этди. Ушбу баҳсларда у 2 та гол уришга ва 1 та голли узатмани амалга оширишга муваффақ бўлди.

Эслатиб ўтамиз, «Реал Мадрид» навбатдаги учрашувини 4 апрель куни сафарда «Мальорка»га қарши ўтказади. Испания чемпионатининг 30-туридан ўрин олган ушбу баҳс Тошкент вақти билан соат 19:15 да бошланиши режалаштирилган.