Federiko Valverdening diskvalifikasiyasi o‘z kuchida qoldi.

Eslatib o‘tamiz, «Real» yarim himoyachisi La Liganing 29-turidan o‘rin olgan «Atletiko»ga qarshi o‘yinda (3:2) Aleks Baenaning oyog‘iga zarba bergani uchun qizil kartochka olgan edi. Bu qilmishi uchun urugvaylik futbolchi Ispaniya chempionatining bir o‘yiniga chetlatilgan.

The Athletic jurnalisti Gilyermo Raining xabar berishicha, «Real» futbolchiga berilgan jazo ustidan shikoyat qilishga uringan, biroq apellyasiya rad etilgan. Shu tariqa, xavbek 4 aprel kuni «Malyorka»ga qarshi kechadigan bahsni o‘tkazib yuboradi.