Diyego Simeone «Atletiko» bosh murabbiyi lavozimida ishlashda davom etadi.

As nashrining xabar berishicha, argentinalik mutaxassis klub bilan mavjud vaziyatni muhokama qilgan va tomonlar 2026/27 yilgi mavsumda ham hamkorlikni davom ettirishga kelishib olishgan. Shartnomani bekor qilish imkonini beruvchi bandni na «Atletiko», na Simeone faollashtirmaydigan bo‘ldi.

Shuningdek, tomonlar yozda shartnomani yana bir yilga, ya’ni 2028 yilgacha uzaytirish masalasini muhokama qilishni rejalashtirmoqda.

Simeone jamoani 2011 yildan beri boshqarib kelmoqda. Hozirda madridliklar La Ligada 4-o‘rinda borishmoqda, shuningdek, Chempionlar ligasi chorak finali va Ispaniya kubogi finaliga yo‘llanma olishgan.