Futbol jurnalisti Nikolo Skira Gruziya terma jamoasi vingeri Xvicha Kvarasxeliyaning «PSJ»dagi kelajagi borasidagi insaydlari bilan o‘rtoqlashdi.

Manbaning ma’lumotlariga ko‘ra, Parij top-klubi rahbariyati yozgi transfer oynasida yarim himoyachi bilan xayrlashish niyatida emas. «PSJ» Xvichani jamoaning asosiy va hal qiluvchi futbolchilaridan biri sifatida belgilab olgan.

Avvalroq matbuotda Kvarasxeliyani sotib olishga Londonning «Arsenal» klubi qiziqish bildirayotgani haqida xabarlar tarqalgan edi.

Yarim himoyachining transfer narxi 90 million yevroni tashkil qiladi. Gruziyalik futbolchining parijliklar bilan amaldagi shartnomasi 2029 yilning o‘rtalarigacha mo‘ljallangan.