Футбол журналисти Николо Скира Грузия терма жамоаси вингери Хвича Кварацхелиянинг «ПСЖ»даги келажаги борасидаги инсайдлари билан ўртоқлашди.
Манбанинг маълумотларига кўра, Париж топ-клуби раҳбарияти ёзги трансфер ойнасида ярим ҳимоячи билан хайрлашиш ниятида эмас. «ПСЖ» Хвичани жамоанинг асосий ва ҳал қилувчи футболчиларидан бири сифатида белгилаб олган.
Аввалроқ матбуотда Кварацхелияни сотиб олишга Лондоннинг «Арсенал» клуби қизиқиш билдираётгани ҳақида хабарлар тарқалган эди.
Ярим ҳимоячининг трансфер нархи 90 миллион еврони ташкил қилади. Грузиялик футболчининг парижликлар билан амалдаги шартномаси 2029 йилнинг ўрталаригача мўлжалланган.
