«Manchester Yunayted» «Brayton» yarim himoyachisi Karlos Balebaga qiziqish bildirishda davom etmoqda. «Qizil iblislar» o‘tgan yozda 22 yoshli futbolchini sotib olish variantini ko‘rib chiqishgan edi. Bu haqda The Sun nashri xabar bermoqda.

Manbaning ma’lumotiga ko‘ra, yozda «chaykalar» kamerunlik yarim himoyachining transferi uchun 100 million funt talab qilishgan. Biroq, joriy mavsumda Balebaning beqaror o‘yini sababli «Brayton» uning narxini pasaytirgan. Qayd etilishicha, ayni damda klub futbolchining sotilishiga ancha yumshoqroq munosabatda bo‘lmoqda va allaqachon uning o‘rniga nomzod tanlab qo‘ygan.

Joriy mavsumda Baleba barcha turnirlarda 29 ta o‘yinda ishtirok etdi va samarali harakatlari bilan ajralib turmadi. Futbolchining klub bilan amaldagi shartnomasi 2028 yilning yoziga qadar mo‘ljallangan. Transfermarkt portali taqdim etgan ma’lumotlarga ko‘ra, futbolchining bozor qiymati 55 million yevroni tashkil etadi.