«Манчестер Юнайтед» «Брайтон» ярим ҳимоячиси Карлос Балебага қизиқиш билдиришда давом этмоқда. «Қизил иблислар» ўтган ёзда 22 ёшли футболчини сотиб олиш вариантини кўриб чиқишган эди. Бу ҳақда The Sun нашри хабар бермоқда.
Манбанинг маълумотига кўра, ёзда «чайкалар» камерунлик ярим ҳимоячининг трансфери учун 100 миллион фунт талаб қилишган. Бироқ, жорий мавсумда Балебанинг беқарор ўйини сабабли «Брайтон» унинг нархини пасайтирган. Қайд этилишича, айни дамда клуб футболчининг сотилишига анча юмшоқроқ муносабатда бўлмоқда ва аллақачон унинг ўрнига номзод танлаб қўйган.
Жорий мавсумда Балеба барча турнирларда 29 та ўйинда иштирок этди ва самарали ҳаракатлари билан ажралиб турмади. Футболчининг клуб билан амалдаги шартномаси 2028 йилнинг ёзига қадар мўлжалланган. Transfermarkt портали тақдим этган маълумотларга кўра, футболчининг бозор қиймати 55 миллион еврони ташкил этади.
