Braziliya terma jamoasining Fransiyaga qarshi bahsida (1:2) jarohat olgan Rafinya uchun «Barselona» klubi FIFAdan kafolatlangan kompensasiya oladigan bo‘ldi.

Klub vingerning o‘ng son orqa mushagi jarohati tufayli taxminan besh haftaga safdan chiqqanini tasdiqladi. Bu tiklanish davri 28 kundan ortiq ekanligini anglatadi — bu esa FIFAning klublarni himoya qilish dasturi bo‘yicha to‘lovlar amalga oshirilishi uchun minimal chegara hisoblanadi.

Kompensasiya to‘lovlari 23 apreldan boshlab hisoblanadi va kuniga 20 548 yevroni tashkil etadi. Agar Rafinya kutilganidek besh hafta ichida (aprel oxirigacha) sog‘ayib qaytsa, «Barselona» kamida 143 836 yevro miqdorida mablag‘ oladi. Tiklanish jarayoni cho‘zilgan taqdirda, har bir qo‘shimcha kun uchun summa ortib boradi.

Ma’lumot uchun, sug‘urta bo‘yicha to‘lovlarning maksimal miqdori 7,5 million yevro bilan chegaralangan, qoplash muddati esa 365 kungacha etib belgilangan.