Бразилия терма жамоасининг Францияга қарши баҳсида (1:2) жароҳат олган Рафинья учун «Барселона» клуби ФИФАдан кафолатланган компенсация оладиган бўлди.

Клуб вингернинг ўнг сон орқа мушаги жароҳати туфайли тахминан беш ҳафтага сафдан чиққанини тасдиқлади. Бу тикланиш даври 28 кундан ортиқ эканлигини англатади — бу эса ФИФАнинг клубларни ҳимоя қилиш дастури бўйича тўловлар амалга оширилиши учун минимал чегара ҳисобланади.

Компенсация тўловлари 23 апрелдан бошлаб ҳисобланади ва кунига 20 548 еврони ташкил этади. Агар Рафинья кутилганидек беш ҳафта ичида (апрель охиригача) соғайиб қайтса, «Барселона» камида 143 836 евро миқдорида маблағ олади. Тикланиш жараёни чўзилган тақдирда, ҳар бир қўшимча кун учун сумма ортиб боради.

Маълумот учун, суғурта бўйича тўловларнинг максимал миқдори 7,5 миллион евро билан чегараланган, қоплаш муддати эса 365 кунгача этиб белгиланган.