«Barselona» klubi «Atletiko» hujumchisi Xulian Alvaresga qiziqish bildirayotganiga qaramay, uning transferi uchun haddan tashqari katta kuch sarflamoqchi emas.

Marca nashrining xabariga ko‘ra, kataloniyaliklar hujumchi uchun belgilangan narxdan ortiqcha to‘lashga va o‘z moliyaviy modelidan chiqib ketishga tayyor emaslar. Klubda har qanday transfer ish haqi cheklovlari va moliyaviy «feyr-pley» qoidalariga mos kelishi kerakligi ta’kidlanmoqda.

Bundan tashqari, «Barselona» ushbu o‘tish ssenariysiga shubha bilan qaramoqda. Rahbariyat Alvares transferga erishish uchun «Atletiko»ga bosim o‘tkazishiga ishonmayapti, usiz esa kelishuvga erishish deyarli imkonsiz.

Vaziyatni madridliklarning pozisiyasi yanada murakkablashtirmoqda: «Atletiko» futbolchini jamoada olib qolish uchun unga yiliga taxminan 10 million yevro maosh bilan yaxshilangan shartnoma taklif qilishga tayyor.

Hozirgi vaqtda ushbu transfer juda qiyin ko‘rinmoqda — «Barselona» Alvares uchun bor-budini tikish niyatida emas va agar shartlar ularning strategiyasiga to‘g‘ri kelmasa, kelishuvdan voz kechishga tayyor.