«Барселона» клуби «Атлетико» ҳужумчиси Хулиан Альваресга қизиқиш билдираётганига қарамай, унинг трансфери учун ҳаддан ташқари катта куч сарфламоқчи эмас.
Marca нашрининг хабарига кўра, каталонияликлар ҳужумчи учун белгиланган нархдан ортиқча тўлашга ва ўз молиявий моделидан чиқиб кетишга тайёр эмаслар. Клубда ҳар қандай трансфер иш ҳақи чекловлари ва молиявий «фэйр-плей» қоидаларига мос келиши кераклиги таъкидланмоқда.
Бундан ташқари, «Барселона» ушбу ўтиш сценарийсига шубҳа билан қарамоқда. Раҳбарият Альварес трансферга эришиш учун «Атлетико»га босим ўтказишига ишонмаяпти, усиз эса келишувга эришиш деярли имконсиз.
Вазиятни мадридликларнинг позицияси янада мураккаблаштирмоқда: «Атлетико» футболчини жамоада олиб қолиш учун унга йилига тахминан 10 миллион евро маош билан яхшиланган шартнома таклиф қилишга тайёр.
Ҳозирги вақтда ушбу трансфер жуда қийин кўринмоқда — «Барселона» Альварес учун бор-будини тикиш ниятида эмас ва агар шартлар уларнинг стратегиясига тўғри келмаса, келишувдан воз кечишга тайёр.
