«Real Madrid»ning yulduz va asosiy yarim himoyachisi, urugvaylik Federiko Valverde o‘zining ayni damdagi sport formasi haqida fikr bildirdi.
«Men 24/7 futbol bilan yashayman. Doimo eng yaxshi jismoniy holatda bo‘lishni va har bir o‘yinda bor kuchimni berishni istayman. Jarohat azob berayotgan bo‘lsa ham, men jamoam yonida bo‘laman va jamoadoshlarimga o‘rnak ko‘rsataman», — dedi futbolchi.
Kecha o‘tkazilgan o‘rtoqlik uchrashuvida Valverde Urugvay terma jamoasi safida Angliya darvozasini ishg‘ol qildi. Bu yarim himoyachining oxirgi 6 ta o‘yindagi 7-goli bo‘ldi. Qayd etish joizki, xavbek Chempionlar ligasi 1/8 finalining ilk bahsida «Manchester Siti» darvozasiga xet-trik qayd etgan edi.
