«Liverpul» va «Borussiya» (Dortmund) sobiq bosh murabbiyi Yurgen Klopp ikki klub afsonalari o‘rtasidagi o‘rtoqlik uchrashuvida ishtirok qildi. Bu haqda «asalarilar» rasmiy sayti xabar berdi.
Nemis mutaxassisi mersisaydliklar bosh murabbiyi sifatida maydonga tushdi. Klopp bilan birga «qizillar» safida Stiven Jerrard, Pepe Reyna, Yeji Dudek, Piter Krauch, Dirk Kyuyt va Tyago Alkantara ham ishtirok etdi. «Borussiya» safida Yan Koller, Lukash Pishek va Yakub Blashikovski maydonga tushdi. Uchrashuv 2:2 hisobida durang bilan yakunlandi.
Eslatib o‘tamiz, Yurgen Klopp ikki marta Germaniya chempionatida g‘olib chiqqan va bir marta Angliya Premyer-ligasida g‘olib bo‘lgan. Shuningdek, u Chempionlar Ligasida g‘alaba qozongan va uch marta turnir finalida mag‘lub bo‘lgan.













