Himoyachi Daniele Rugani joriy mavsum yakunlanganidan keyin «Yuventus»ni tark etadi.

Calciomercato nashri bergan ma’lumotlarga ko‘ra, Turin klubi «Fiorentina» futbolchining shartnomasini sotib olish-olmasligidan qat’i nazar, u bilan xayrlashadi. Himoyachi «Yuventus» bosh murabbiyi Luchano Spallettining rejalariga kirmaydi. Agar futbolchi yozda klubga qaytsa, u transferga qo‘yiladi.

Daniele Rugani 2013 yilda to‘rt million yevro evaziga «Empoli»dan «Yuventus»ga o‘tgan edi. Uning amaldagi shartnomasi 2028 yil 30 iyungacha mo‘ljallangan. Fevral oyida futbolchi joriy mavsum yakuniga qadar «Fiorentina»ga ijaraga berilgan edi. O‘yinchi «binafsharanglilar» safida ikkita o‘yin o‘tkazdi va samarali harakatlari bilan ajralib turmadi.