«Bryugge» hujumchisi Nikolo Trezoldi top-klublar e’tiborini tortishda davom etmoqda.

Jurnalist Kristian Falkning ma’lumotlariga ko‘ra, 21 yoshli forvardni qo‘lga kiritish borasidagi kurashda «Arsenal» peshqadamlik qilmoqda. London klubi futbolchiga jiddiy qiziqish bildirmoqda va allaqachon uning transferi bo‘yicha muzokaralar olib bormoqda.

Nikolo Trezoldi 2025 yilda 7 million yevro evaziga «Gannover»dan «Bryugge»ga o‘tgan edi. Uning shartnomasi 2029 yil 30 iyungacha mo‘ljallangan. Joriy mavsumda hujumchi Belgiya klubi safida barcha turnirlarda 48 ta o‘yinda maydonga tushib, 17 ta gol urdi va 5 ta golli uzatmani amalga oshirdi. «Transfermarkt» portali Trezoldining qiymatini 13 million yevroga baholamoqda.