«Брюгге» ҳужумчиси Николо Трезольди топ-клублар эътиборини тортишда давом этмоқда.

Журналист Кристиан Фалькнинг маълумотларига кўра, 21 ёшли форвардни қўлга киритиш борасидаги курашда «Арсенал» пешқадамлик қилмоқда. Лондон клуби футболчига жиддий қизиқиш билдирмоқда ва аллақачон унинг трансфери бўйича музокаралар олиб бормоқда.

Николо Трезольди 2025 йилда 7 миллион евро эвазига «Ганновер»дан «Брюгге»га ўтган эди. Унинг шартномаси 2029 йил 30 июнгача мўлжалланган. Жорий мавсумда ҳужумчи Бельгия клуби сафида барча турнирларда 48 та ўйинда майдонга тушиб, 17 та гол урди ва 5 та голли узатмани амалга оширди. «Transfermarkt» портали Трезольдининг қийматини 13 миллион еврога баҳоламоқда.