«PSJ» va Fransiya terma jamoasi qanot hujumchisi Usman Dembele yozda bo‘lib o‘tadigan Jahon chempionatida milliy terma jamoaning istiqbollari haqida o‘z fikri bilan o‘rtoqlashdi.
«Bizda bir-birini juda yaxshi taniydigan futbolchilar o‘zagi shakllangan. Asosiysi — kuchli jamoaviy o‘yin ko‘rsatish. Jamoa ichida xotirjamlik hukm surmoqda», — deya futbolchining so‘zlarini keltiradi Fox Deportes.
Dembele, shuningdek, Fransiyaning yakuniy qaydnomasidan joy olish va bo‘lajak mundialda o‘zini ko‘rsatish niyatida ekanligini qo‘shimcha qildi.
Guruh bosqichida Fransiya terma jamoasi Senegal va Norvegiya bilan to‘qnash keladi. Yana bir raqib Iroq va Boliviya o‘rtasidagi uchrashuv natijasiga ko‘ra aniqlanadi.
