«ПСЖ» ва Франция терма жамоаси қанот ҳужумчиси Усман Дембеле ёзда бўлиб ўтадиган Жаҳон чемпионатида миллий терма жамоанинг истиқболлари ҳақида ўз фикри билан ўртоқлашди.
«Бизда бир-бирини жуда яхши танийдиган футболчилар ўзаги шаклланган. Асосийси — кучли жамоавий ўйин кўрсатиш. Жамоа ичида хотиржамлик ҳукм сурмоқда», — дея футболчининг сўзларини келтиради Fox Deportes.
Дембеле, шунингдек, Франциянинг якуний қайдномасидан жой олиш ва бўлажак мундиалда ўзини кўрсатиш ниятида эканлигини қўшимча қилди.
Гуруҳ босқичида Франция терма жамоаси Сенегал ва Норвегия билан тўқнаш келади. Яна бир рақиб Ироқ ва Боливия ўртасидаги учрашув натижасига кўра аниқланади.
