Madridning «Atletiko» klubi va Braziliya terma jamoasi sobiq futbolchisi Filipe Luis Braziliya milliy terma jamoasi bosh murabbiyi Karlo Anchelotti haqida o‘z fikri bilan o‘rtoqlashdi.
«Karlo Anchelotti — terma jamoamiz uchun kerak bo‘lgan ideal murabbiy. U xotirjamlik va ishonch olib keladi, uning tajribasi ulkan. Bundan tashqari, u taktik jihatdan ham juda kuchli bilimga ega», — deya ekspertning so‘zlarini keltiradi Marca nashri.
Luis, shuningdek, Braziliya terma jamoasi JCH-2026 g‘olibligi uchun asosiy favoritlar qatoriga kirishini qo‘shimcha qildi.
Karlo Anchelotti 2025 yilning may oyida Braziliya terma jamoasi boshqaruvini qo‘lga oldi. Bungacha mashhur italiyalik murabbiy Madridning «Real», «PSJ», «Chelsi», «Bavariya» va boshqa klublarda faoliyat yuritgan.
