Мадриднинг «Атлетико» клуби ва Бразилия терма жамоаси собиқ футболчиси Филипе Луис Бразилия миллий терма жамоаси бош мураббийи Карло Анчелотти ҳақида ўз фикри билан ўртоқлашди.
«Карло Анчелотти — терма жамоамиз учун керак бўлган идеал мураббий. У хотиржамлик ва ишонч олиб келади, унинг тажрибаси улкан. Бундан ташқари, у тактик жиҳатдан ҳам жуда кучли билимга эга», — дея экспертнинг сўзларини келтиради Marca нашри.
Луис, шунингдек, Бразилия терма жамоаси ЖЧ-2026 ғолиблиги учун асосий фаворитлар қаторига киришини қўшимча қилди.
Карло Анчелотти 2025 йилнинг май ойида Бразилия терма жамоаси бошқарувини қўлга олди. Бунгача машҳур италиялик мураббий Мадриднинг «Реал», «ПСЖ», «Челси», «Бавария» ва бошқа клубларда фаолият юритган.
