Madridning «Atletiko» klubi sobiq futbolchisi, braziliyalik himoyachi Filipe Luis Chempionlar Ligasining joriy mavsumidagi asosiy favoritlar nomini aytdi.

«Buni aytish men uchun og‘riqli, ammo «Real» o‘zining tarixi sababli doimo favorit hisoblanadi. To‘g‘ri, ular «Bavariya»ga to‘qnash kelishdi. Ushbu juftlikdan finalchilardan biri chiqishi mumkin, chunki «Bavariya» dunyodagi eng kuchli tarkiblardan biriga ega», — deya Luisning so‘zlarini keltiradi Marca.

«Real» va «Bavariya» Yevropaning eng nufuzli klublar turnirining chorak finali doirasida ikki o‘yindan iborat bahsda to‘qnash kelishadi. Uchrashuvlar 7 va 15 aprel kunlari bo‘lib o‘tadi. Eslatib o‘tamiz, «qaymoqranglilar» 1/8 finalda «Manchester Siti»ni mag‘lub etishgan, Myunxen klubi esa «Atalanta»dan ustun kelgan edi.