Мадриднинг «Атлетико» клуби собиқ футболчиси, бразилиялик ҳимоячи Филипе Луис Чемпионлар Лигасининг жорий мавсумидаги асосий фаворитлар номини айтди.

«Буни айтиш мен учун оғриқли, аммо «Реал» ўзининг тарихи сабабли доимо фаворит ҳисобланади. Тўғри, улар «Бавария»га тўқнаш келишди. Ушбу жуфтликдан финалчилардан бири чиқиши мумкин, чунки «Бавария» дунёдаги энг кучли таркиблардан бирига эга», — дея Луиснинг сўзларини келтиради Marca.

«Реал» ва «Бавария» Европанинг энг нуфузли клублар турнирининг чорак финали доирасида икки ўйиндан иборат баҳсда тўқнаш келишади. Учрашувлар 7 ва 15 апрель кунлари бўлиб ўтади. Эслатиб ўтамиз, «қаймоқранглилар» 1/8 финалда «Манчестер Сити»ни мағлуб этишган, Мюнхен клуби эса «Аталанта»дан устун келган эди.