Londonning «Arsenal» klubi sobiq afsonaviy futbolchisi Tyerri Anri Brunu Fernandeshning o‘yini va Portugaliya terma jamoasi hujum chizig‘i haqida o‘z fikrlari bilan o‘rtoqlashdi. Roberto Martines shogirdlari o‘rtoqlik uchrashuvida Meksikani mag‘lub eta olishmadi (0:0).

«Hujumchilar o‘zlarini yaxshiroq ko‘rsatishlari lozim. Brunu beshta vaziyat yaratdi, shu jumladan, ikkita yaqqol golli imkoniyat, biroq ular birortasini ham golga aylantira olishmadi. Tarkibingizda shuncha ko‘p vaziyat yarata oladigan yarim himoyachi bo‘lsa, vazifa osonlashadi — shunchaki to‘pni darvoza to‘riga yo‘llash kerak, xolos. Ular esa, aksincha, o‘z ishlarini qiyinlashtirib yuborishdi», — deya ingliz OAVlari Anrining so‘zlarini keltiradi.

«Manchester Yunayted» yarim himoyachisi 81-daqiqagacha harakat qildi va shundan so‘ng uning o‘rniga Fransishku Trinkan maydonga tushdi.