Лондоннинг «Арсенал» клуби собиқ афсонавий футболчиси Тьерри Анри Бруну Фернандешнинг ўйини ва Португалия терма жамоаси ҳужум чизиғи ҳақида ўз фикрлари билан ўртоқлашди. Роберто Мартинес шогирдлари ўртоқлик учрашувида Мексикани мағлуб эта олишмади (0:0).
«Ҳужумчилар ўзларини яхшироқ кўрсатишлари лозим. Бруну бешта вазият яратди, шу жумладан, иккита яққол голли имконият, бироқ улар бирортасини ҳам голга айлантира олишмади. Таркибингизда шунча кўп вазият ярата оладиган ярим ҳимоячи бўлса, вазифа осонлашади — шунчаки тўпни дарвоза тўрига йўллаш керак, холос. Улар эса, аксинча, ўз ишларини қийинлаштириб юборишди», — дея инглиз ОАВлари Анрининг сўзларини келтиради.
«Манчестер Юнайтед» ярим ҳимоячиси 81-дақиқагача ҳаракат қилди ва шундан сўнг унинг ўрнига Франсишку Тринкан майдонга тушди.
