«Manchester Yunayted» klubi «Nyukasl Yunayted» yarim himoyachisi Sandro Tonaliga qiziqish bildirmoqda.

Insayder Fabrisio Romano ma’lum qilishicha, mankunianlar allaqachon futbolchiga bo‘lgan qiziqishini tasdiqlagan va uning agentlari bilan dastlabki aloqalarni o‘rnatgan.

Shu bilan birga, hozircha hech qanday kelishuvga erishilmagani va muzokaralar oldinga siljimagani ta’kidlanmoqda. «Nyukasl Yunayted»da esa yozgi transfer oynasida Tonali atrofida jiddiy harakatlar bo‘lishi mumkinligini kutmoqda.

Joriy mavsumda Tonali barcha musobaqalarda 47 ta uchrashuvda ishtirok etib, 3 ta gol va 7 ta golli uzatma amalga oshirgan. Transfermarkt portali ma’lumotiga ko‘ra, futbolchining bozor qiymati 80 million yevroni tashkil etadi.