«Манчестер Юнайтед» клуби «Ньюкасл Юнайтед» ярим ҳимоячиси Сандро Тоналига қизиқиш билдирмоқда.

Инсайдер Фабрицио Романо маълум қилишича, манкунианлар аллақачон футболчига бўлган қизиқишини тасдиқлаган ва унинг агентлари билан дастлабки алоқаларни ўрнатган.

Шу билан бирга, ҳозирча ҳеч қандай келишувга эришилмагани ва музокаралар олдинга силжимагани таъкидланмоқда. «Ньюкасл Юнайтед»да эса ёзги трансфер ойнасида Тонали атрофида жиддий ҳаракатлар бўлиши мумкинлигини кутмоқда.

Жорий мавсумда Тонали барча мусобақаларда 47 та учрашувда иштирок этиб, 3 та гол ва 7 та голли узатма амалга оширган. Transfermarkt портали маълумотига кўра, футболчининг бозор қиймати 80 миллион еврони ташкил этади.