Myunxenning «Bavariya» klubi darvozaboni, 40 yoshli Manuel Noyer o‘z kelajagi borasida hali bir qarorga kelmagan. Bu haqda jurnalist Kristian Falk xabar bermoqda.
Manbaning ma’lumotlariga ko‘ra, Noyer shu yozda faoliyatini yakunlash yoki yakunlamaslik masalasini hali hal qilmagan. Ta’kidlanishicha, golkiper bu masalani Chempionlar Ligasi chorak finali doirasida Madridning «Real» klubiga qarshi kechadigan bahslar yakuniga qadar kechiktirishga qaror qilgan.
Ushbu mavsumda Noyer barcha turnirlarda 29 ta o‘yin o‘tkazib, 27 ta gol o‘tkazib yubordi va o‘nta uchrashuvda o‘z darvozasi daxlsizligini saqlab qoldi.
Noyerning «Bavariya» bilan amaldagi mehnat shartnomasi joriy yilning iyun oyi oxirida o‘z nihoyasiga yetadi.
