«Real» jamoa tarkibini kuchaytirish bo‘yicha rejalar tuzmoqda. La Tribu dasturida berilgan ma’lumotlarga ko‘ra, Madrid klubi prezidenti Florentino Peres maydon markazi uchun «Manchester Siti» a’zosi Rodrini sotib olishni istamayapti. Vaholanki, so‘nggi haftalarda matbuot Rodrini Madrid superklubi bilan faol bog‘layotgan edi.
Manbaning xabariga ko‘ra, APLning boshqa bir yarim himoyachisi — Endzo Fernandes «Real»ga o‘tishga ancha yaqinroq turibdi. Avvalroq argentinalik futbolchi JCH-2026 musobaqasidan so‘ng «Chelsi»ni tark etish imkoniyatini ko‘rib chiqishi mumkinligiga sha’ma qilgan edi.
Nufuzli Transfermarkt portali mutaxassislari 25 yoshli Endzo Fernandesning qiymatini 90 million yevroga baholamoqdalar.
