«Реал» жамоа таркибини кучайтириш бўйича режалар тузмоқда. La Tribu дастурида берилган маълумотларга кўра, Мадрид клуби президенти Флорентино Перес майдон маркази учун «Манчестер Сити» аъзоси Родрини сотиб олишни истамаяпти. Ваҳоланки, сўнгги ҳафталарда матбуот Родрини Мадрид суперклуби билан фаол боғлаётган эди.
Манбанинг хабарига кўра, АПЛнинг бошқа бир ярим ҳимоячиси — Эндзо Фернандес «Реал»га ўтишга анча яқинроқ турибди. Аввалроқ аргентиналик футболчи ЖЧ-2026 мусобақасидан сўнг «Челси»ни тарк этиш имкониятини кўриб чиқиши мумкинлигига шаъма қилган эди.
Нуфузли Transfermarkt портали мутахассислари 25 ёшли Эндзо Фернандеснинг қийматини 90 миллион еврога баҳоламоқдалар.
