«Bavariya» kuzatuv kengashi a’zosi Karl-Xayns Rummenigge Florentino Peresning Madridning «Real» klubi prezidentligidagi faoliyatini yuqori baholadi.
«Florentino «Real»ni katta ishtiyoq bilan boshqaradimi? So‘zsiz. U doimo klub uchun eng yaxshisini istaydi. Esimda, u qachonlardir o‘zini muammo deb o‘ylaganda, garchi aslida unday bo‘lmasa-da, chetga chiqishga ham tayyor edi», — deya Rummeniggening so‘zlarini «AS» nashri keltirmoqda.
«U «Real»ni faqat Santyago Bernabeu davridagina erishilgan yuksakliklarga qaytara oldi. Odamlar hozirgi zamonda bunday elita darajasini saqlab qolish qanchalik qiyin ekanligini ko‘pincha anglamaydilar. Florentino — oltinga teng», — deya qo‘shimcha qildi Rummenigge.
Madridning «Real» va Myunxenning «Bavariya» jamoalari Chempionlar Ligasi chorak finalida to‘qnash kelishadi. Birinchi o‘yin 7 aprel kuni Madridda, javob bahsi esa 15 aprelda Myunxenda bo‘lib o‘tadi.
