Angliya terma jamoasi himoyachisi Garri Maguayr «Manchester Yunayted» bilan yangi shartnoma imzolaydi. Kelishuv 2027 yilgacha amal qiladi va uni yana bir mavsumga uzaytirish imkoniyati ko‘zda tutiladi. Bu haqda ESPN nashri xabar bermoqda.
Nashr ma’lumotlariga ko‘ra, futbolchi va klub vakillari o‘rtasidagi muzokaralar ijobiy baholanmoqda. Har ikki tomon tez orada kelishuv yakuniga yetishidan umidvor.
Joriy mavsumda «qizil iblislar» himoyachisi klub safida barcha turnirlarda 20 ta o‘yinda maydonga tushib, bitta gol urdi va bitta golli uzatmani amalga oshirdi. Futbolchining klub bilan amaldagi mehnat shartnomasi 2026 yilning yoziga qadar mo‘ljallangan. Transfermarkt portali taqdim etgan ma’lumotlarga ko‘ra, futbolchining bozor qiymati 10 million yevroni tashkil etadi.
