«Barselona» klubi Saudiyaning «Al-Hilol» jamoasidan ijaraga olingan himoyachi Joau Kanselu bilan to‘liqqonli shartnoma imzolashdan manfaatdor. Biroq «ko‘k-anorranglilar» futbolchining Saudiya klubidagi katta maoshini inobatga olgan holda, uning shartnomasini sotib olishga qurbi yetmaydi, deb xabar bermoqda Marca.

«Barselona»ning rejasiga ko‘ra, futbolchi «Al-Hilol» bilan amaldagi shartnomasini bekor qilish borasida kelishib olishi, so‘ngra kataloniyaliklar safiga erkin agent sifatida o‘tishi kerak. Portugaliyalik futbolchini qayta ijaraga olish imkoni yo‘q, chunki uning amaldagi shartnomasi tugashiga atigi bir yil vaqt qolgan.

Eslatib o‘tamiz, «Barselona» Kanseluning «Al-Hilol»dan ijara asosida o‘tganini shu yilning yanvar oyida e’lon qilgan edi. Futbolchi kataloniyaliklar safida barcha turnirlarda 12 ta o‘yinda maydonga tushib, bitta gol urdi va uchta golli uzatmani amalga oshirdi. Transfermarkt portali ma’lumotlariga ko‘ra, futbolchining bozor qiymati 9 million yevroni tashkil etadi.