Ispaniya terma jamoasi bosh murabbiyi Luis de la Fuente «Espanyol» muxlislari darvozabon Joan Garsiyani hushtaklar bilan kutib olishlari mumkinligi haqidagi xabarlarga munosabat bildirdi.
«Muxlislar milliy terma jamoani qo‘llab-quvvatlash uchun kelishlari kerak. Bu yerda biz qaysidir klub sharafini emas, balki terma jamoa sharafini himoya qilyapmiz. Agar kimdir kayfiyatimizni buzish uchun kelmoqchi bo‘lsa, yaxshisi uyida qolgani ma’qul», — dedi de la Fuente.
«Barselona»ning 24 yoshli posboni Joan Garsiya o‘tgan yozda «Espanyol»dan «ko‘k-anorranglilar» lageriga ko‘chib o‘tgan edi. U hozirgacha Ispaniya terma jamoasi safida debyut qilgani yo‘q.
Seshanba kuni, 31 mart kuni Ispaniya terma jamoasi Misrga qarshi o‘rtoqlik uchrashuvini o‘tkazadi. O‘yin Toshkent vaqti bilan tungi soat 00:00 da start oladi.
