«Manchester Siti»ning hujumkor yarim himoyachisi Fil Foden klub bilan shartnomasini uzaytirishga yaqin turibdi. Bu haqda TEAMtalk nashri xabar bermoqda.

Manbaning ma’lumotlariga ko‘ra, xalqaro tanaffus vaqtida «shaharliklar» Foden bilan kelishuvni yangilash borasidagi harakatlarini faollashtirgan. Futbolchi bilan muzokaralar allaqachon o‘tkazilgan va unga uzoq muddatli shartnoma taklif qilingan. «Bavariya» tomonidan Fodenga qiziqish bo‘layotganiga qaramay, «Manchester Siti» rahbariyati joriy mavsum yakuniga qadar futbolchi bilan yangi bitim imzolanishiga to‘liq ishonmoqda.

Joriy mavsumda 25 yoshli Foden barcha turnirlarda 41 ta o‘yinda ishtirok etdi, raqiblar darvozasini 10 bor ishg‘ol qildi va 5 ta golli uzatmani amalga oshirdi.

Futbolchining «Manchester Siti» bilan amaldagi shartnomasi 2027 yilning o‘rtalariga qadar mo‘ljallangan.