«Манчестер Сити»нинг ҳужумкор ярим ҳимоячиси Фил Фоден клуб билан шартномасини узайтиришга яқин турибди. Бу ҳақда TEAMtalk нашри хабар бермоқда.

Манбанинг маълумотларига кўра, халқаро танаффус вақтида «шаҳарликлар» Фоден билан келишувни янгилаш борасидаги ҳаракатларини фаоллаштирган. Футболчи билан музокаралар аллақачон ўтказилган ва унга узоқ муддатли шартнома таклиф қилинган. «Бавария» томонидан Фоденга қизиқиш бўлаётганига қарамай, «Манчестер Сити» раҳбарияти жорий мавсум якунига қадар футболчи билан янги битим имзоланишига тўлиқ ишонмоқда.

Жорий мавсумда 25 ёшли Фоден барча турнирларда 41 та ўйинда иштирок этди, рақиблар дарвозасини 10 бор ишғол қилди ва 5 та голли узатмани амалга оширди.

Футболчининг «Манчестер Сити» билан амалдаги шартномаси 2027 йилнинг ўрталарига қадар мўлжалланган.