«Barselona» yarim himoyachisi Dani Olmo yozgi transfer oynasida kataloniyaliklar lagerini tark etmaydi. Bu haqda Marca gazetasi xabar bermoqda.

Avvalroq, Olmoning xizmatlariga Milanning «Inter» klubi qiziqish bildirayotgani haqida xabar berilgan edi.

Manbaning ma’lumotlariga ko‘ra, «Barselona» Olmoni qo‘yib yuborishni rejalashtirmayapti. Bundan tashqari, futbolchining o‘zi ham «ko‘k-anorranglilar» safidan ketishni istamayapti.

Eslatib o‘tamiz, «Barselona» 2024 yilda o‘z tarbiyalanuvchisi bo‘lgan 27 yoshli ispaniyalik futbolchini «RB Leypsig»dan 55 million yevro evaziga qaytarib olgan edi. Joriy mavsumda yarim himoyachi barcha turnirlarda 38 ta o‘yinda ishtirok etib, raqiblar darvozasini 8 bor ishg‘ol qildi va 7 ta golli uzatmani amalga oshirdi.

Dani Olmoning «Barselona» bilan amaldagi mehnat shartnomasi 2030 yilning o‘rtalariga qadar mo‘ljallangan.