L'Equipe nashri jurnalisti Joze Barroso rossiyalik darvozabon Matvey Safonovning Fransiyaning "PSJ" klubidagi o‘yini haqida o‘z fikrlarini bildirdi.

"Safonov "PSJ"da so‘zsiz birinchi raqamli darvozabonga aylandi. Ularning yozda Matveyni qo‘yib yuborishini tasavvur qilish qiyin. Hatto top-klublardan taklif tushgan taqdirda ham, ular Safonovni hech qanday pulga sotishmaydi", — deya jurnalistning so‘zlarini keltiradi Sport24.

Qayd etish joizki, rossiyalik posbonning bozor qiymati 22 million yevroga baholanmoqda. Joriy mavsumda Safonov parijliklar safida 16 ta uchrashuvda maydonga tushdi. Matvey o‘z darvozasidan 17 ta to‘p olib chiqqan bo‘lsa, 7 ta o‘yinda o‘z darvozasi daxlsizligini saqlab qoldi.