L'Equipe нашри журналисти Жозе Барросо россиялик дарвозабон Матвей Сафоновнинг Франциянинг "ПСЖ" клубидаги ўйини ҳақида ўз фикрларини билдирди.

"Сафонов "ПСЖ"да сўзсиз биринчи рақамли дарвозабонга айланди. Уларнинг ёзда Матвейни қўйиб юборишини тасаввур қилиш қийин. Ҳатто топ-клублардан таклиф тушган тақдирда ҳам, улар Сафоновни ҳеч қандай пулга сотишмайди", — дея журналистнинг сўзларини келтиради Sport24.

Қайд этиш жоизки, россиялик посбоннинг бозор қиймати 22 миллион еврога баҳоланмоқда. Жорий мавсумда Сафонов парижликлар сафида 16 та учрашувда майдонга тушди. Матвей ўз дарвозасидан 17 та тўп олиб чиққан бўлса, 7 та ўйинда ўз дарвозаси дахлсизлигини сақлаб қолди.