Dortmundning "Borussiya" klubi himoyachisi Niko Shlotterbek bilan shartnomani uzaytirish jarayoni to‘xtab qoldi. Bu haqda Sky Sport nashri xabar bermoqda.

Manbaning ma’lumotiga ko‘ra, tomonlar o‘rtasidagi muzokaralar berk ko‘chaga kirib qolgan, vaholanki bir necha kun oldin shartnomaning asosiy bandlari bo‘yicha kelishuvga erishilgan edi. "Borussiya" rahbariyati hatto xalqaro tanaffusdan so‘ng futbolchi bilan yangi mehnat shartnomasini imzolashga ishonishayotgan edi.

Joriy mavsumda Shlotterbek barcha musobaqalarda 30 ta o‘yinda ishtirok etib, 4 ta gol urdi va 2 ta golli uzatmani amalga oshirdi. Himoyachining "Borussiya" bilan amaldagi shartnomasi 2027 yilning yozigacha mo‘ljallangan.