Дортмунднинг "Боруссия" клуби ҳимоячиси Нико Шлоттербек билан шартномани узайтириш жараёни тўхтаб қолди. Бу ҳақда Sky Sport нашри хабар бермоқда.
Манбанинг маълумотига кўра, томонлар ўртасидаги музокаралар берк кўчага кириб қолган, ваҳоланки бир неча кун олдин шартноманинг асосий бандлари бўйича келишувга эришилган эди. "Боруссия" раҳбарияти ҳатто халқаро танаффусдан сўнг футболчи билан янги меҳнат шартномасини имзолашга ишонишаётган эди.
Жорий мавсумда Шлоттербек барча мусобақаларда 30 та ўйинда иштирок этиб, 4 та гол урди ва 2 та голли узатмани амалга оширди. Ҳимоячининг "Боруссия" билан амалдаги шартномаси 2027 йилнинг ёзигача мўлжалланган.
