Krishtianu Ronaldu ijtimoiy tarmoqlardagi sahifasida yangi post qoldirdi. Seshanba kuni Portugaliya futbol federasiyasi tashkil topganiga roppa-rosa 112 yil to‘ldi.

"Bir asrdan ko‘proq vaqt davomida Portugaliya futboli yangi cho‘qqilarga ko‘tarilib, butun dunyo bo‘ylab millionlab insonlarni ilhomlantirib kelmoqda. Ushbu yo‘lning bir qismi bo‘lishdan va Portugaliya sharafini himoya qilishdan faxrlanaman. Tabriklayman, Portugaliya futbol federasiyasi!" — deb yozdi Ronaldu.

Shuningdek, 41 yoshli Ronaldu Portugaliya terma jamoasi bilan qo‘lga kiritilgan uchta sovrin — Yevropa chempionati (2016) hamda Millatlar ligasi (2019, 2025) kuboklarini boshi uzra ko‘tarib tushgan suratlarini ham joylashtirdi.