Криштиану Роналду ижтимоий тармоқлардаги саҳифасида янги пост қолдирди. Сешанба куни Португалия футбол федерацияси ташкил топганига роппа-роса 112 йил тўлди.
"Бир асрдан кўпроқ вақт давомида Португалия футболи янги чўққиларга кўтарилиб, бутун дунё бўйлаб миллионлаб инсонларни илҳомлантириб келмоқда. Ушбу йўлнинг бир қисми бўлишдан ва Португалия шарафини ҳимоя қилишдан фахрланаман. Табриклайман, Португалия футбол федерацияси!" — деб ёзди Роналду.
Шунингдек, 41 ёшли Роналду Португалия терма жамоаси билан қўлга киритилган учта соврин — Европа чемпионати (2016) ҳамда Миллатлар лигаси (2019, 2025) кубокларини боши узра кўтариб тушган суратларини ҳам жойлаштирди.
