"Barselona" markaziy himoyachisi Andreas Kristensen safdan chiqdi. Bu haqda Mundo Deportivo jurnalisti Jordi Battla xabar bermoqda.

Manba bergan ma’lumotga ko‘ra, 29 yoshli futbolchi chap tizzasidagi xochsimon boylamlarining qisman shikastlanishi sababli taxminan bir oyni o‘tkazib yuboradi. Joriy mavsumda Kristensen barcha musobaqalarda 17 ta o‘yinda maydonga tushib, bitta gol urishga muvaffaq bo‘lgan edi.

Qayd etish joizki, Kristensenning "Barselona" bilan shartnomasi shu yozda yakuniga yetadi. Avvalroq klub himoyachiga shartnomani uzaytirishni taklif qilgan edi, biroq endilikda daniyalik futbolchining tez-tez jarohat olishi sababli "ko‘k-anorranglilar" o‘z pozisiyasini qayta ko‘rib chiqishlari mumkin.