"Барселона" марказий ҳимоячиси Андреас Кристенсен сафдан чиқди. Бу ҳақда Mundo Deportivo журналисти Жорди Баттла хабар бермоқда.

Манба берган маълумотга кўра, 29 ёшли футболчи чап тиззасидаги хочсимон бойламларининг қисман шикастланиши сабабли тахминан бир ойни ўтказиб юборади. Жорий мавсумда Кристенсен барча мусобақаларда 17 та ўйинда майдонга тушиб, битта гол уришга муваффақ бўлган эди.

Қайд этиш жоизки, Кристенсеннинг "Барселона" билан шартномаси шу ёзда якунига етади. Аввалроқ клуб ҳимоячига шартномани узайтиришни таклиф қилган эди, бироқ эндиликда даниялик футболчининг тез-тез жароҳат олиши сабабли "кўк-анорранглилар" ўз позициясини қайта кўриб чиқишлари мумкин.