"Atletiko"ning sobiq futbolchisi Niko Gaytan Madrid klubidagi o‘tkazgan vaqtlarini yodga oldi.

"Atletiko"da nima bo‘lganini bilmayman. Oxir-oqibat, bu ko‘p jihatdan futbol va kundalik hayot bilan bog‘liq. Yangi murabbiy, yangi g‘oyalar, yangi o‘yin uslubi... Menimcha, men "Benfika"dagidan mutlaqo boshqacha muhitga tushib qolgandim. Men doimo astoydil mehnat qilishga va bor kuchimni berishga harakat qilganman. Afsuski, hammasi men xohlagandek va o‘zimni ko‘rsatishni umid qilgandek bo‘lmadi. Bularning barchasi saboq va tajriba bo‘lib xizmat qiladi. "Atletiko" libosini kiyganim haqida menda faqat yaxshi xotiralar qolgan", — dedi Gaytan Marca nashriga bergan intervyusida.

Niko Gaytan 2016 yildan 2018 yilgacha "Atletiko" sharafini himoya qilgan. U "matraschilar" safida jami 49 ta o‘yin o‘tkazib, 4 ta gol va 5 ta golli uzatmani amalga oshirgan.