"Атлетико"нинг собиқ футболчиси Нико Гайтан Мадрид клубидаги ўтказган вақтларини ёдга олди.
"Атлетико"да нима бўлганини билмайман. Охир-оқибат, бу кўп жиҳатдан футбол ва кундалик ҳаёт билан боғлиқ. Янги мураббий, янги ғоялар, янги ўйин услуби... Менимча, мен "Бенфика"дагидан мутлақо бошқача муҳитга тушиб қолгандим. Мен доимо астойдил меҳнат қилишга ва бор кучимни беришга ҳаракат қилганман. Афсуски, ҳаммаси мен хоҳлагандек ва ўзимни кўрсатишни умид қилгандек бўлмади. Буларнинг барчаси сабоқ ва тажриба бўлиб хизмат қилади. "Атлетико" либосини кийганим ҳақида менда фақат яхши хотиралар қолган", — деди Гайтан Marca нашрига берган интервьюсида.
Нико Гайтан 2016 йилдан 2018 йилгача "Атлетико" шарафини ҳимоя қилган. У "матрасчилар" сафида жами 49 та ўйин ўтказиб, 4 та гол ва 5 та голли узатмани амалга оширган.
